03/01/2010 2009結
這是最毒的時代 楊千嬅之死2.0 太陽照常升起 不來也不去 Life Goes On
下年再見~
03/02/2009 Let's Party with The Ting Tings: Live in Hong Kong 2009
可能係世界上最短 o 既演唱會
Dull 爺推介 , 知道佢地來港在即 , 不妨 youtube 同非法下載一番 , 然後奉上 580 大元上堂音樂課 .
第一次去九展 Star Hall 睇 show.
一入場 , 係個身穿 Obama Tee o 既黑人 DJ 在打碟 , 企位唔算多人 , 後半個場係賣酒 o 既地方 , 如果港 show 可以如此 , 就好 . ( 今年收左皮 o 既 Wild Day Out Grand Show 正是如此 )
個人對 Disco Music 冇乜興趣 , 只見有數名潮童在 un.
大概到了 2035,DJ 打起 Coldplay 的" Viva La Vida" 來 , 精神為之一振 , 現場反應亦好左 , 可惜只係一振左一陣 , 呢隻之後佢又繼續捽佢 o 既野 .
到左 2050, 終於開場了 , 先係 Jules 出黎 , 拎住個結他坐 o 係 set 鼓前面 , 腳踐 bass drum, 手彈結他 , 仲有支咪比佢唱和音 , 好勁 .
然後 Katie 出場 , 一頭金髮 ( 唔係港女 o 既染髮 ) 加一襲黑色短裙仔 plus 黑絲襪 , 很 sharp!
佢玩住個 keyboard 唱 "We Walk", 不時唱唱下自我聲嘶力竭升 key, 比碟 energetic 好多 !
支咪 stand 夾唔實支咪 , 正要跌之際 ,Katie 接住了 , 夾返好 , 但支咪又再跌 , 今次唔接了 , 支咪就跌在 keyboard 上 ,K 有理冇理繼續彈 .
Jules 見狀 , 右手 keep 住打鼓 , 左手支棍指住 Katie, 示意 back stage crew 幫佢整返好 , 好型 !
不過角度問題 , 好耐先有 crew 幫...
然後是大熱歌 'Great DJ", 全場又 high d!
"Fruit Machine" 又施展佢 o 既聲嘶力竭 , 加上佢 o 既台風 , 好型呢 , 我好少讚女型的 .
"Traffic Night",o 係碟時我都幾 like, 因為可以聽清楚 K 把聲 , 唱腔有跳皮有靚聲 , 曲式夠舒服夠 fresh, 有 d o 係法國南部晒太陽之感 ( 我未去過 ).
"Be The One" 我覺得幾 My Little Airport, 好似係叫 acoustic.
"Shut Up And Let Me Go",K 起勢打後面 o 個個寫住 TTT o 既原來係 bass drum, 帶起高潮 , 然後唱出呢隻 intro 已經令人興奮 o 既歌 .
點解 intro 已經令人興奮 ? 陣間解釋 .
唱完就已經係 break...
出返黎唱埋 "Impacilla Carpisung" 同大熱 "That's Not My Name" 就真係冇晒貨了 .
佢地冇唱多次 "Great DJ", 亦冇理由估佢唱返隻 " 囍帖街 " 娛賓一番 .
歷時不足一小時 , 散場都只是 2150, 但貴精 , 不貴多 .
說實在 , 對佢地 d 歌又唔係話好熟 , 冇幾多隻可以開口唱 . 全場 o 既反應亦唔見得好熱烈 ( 當然已經比港 show 好好多了 ).
不過就感受到 the power of LIVE.
K 又唱又 keyboard, 又結他 ; J 仲勁 , 又 drum, 又結他 , 又 bass 又唱 ;
背後有位姐姐好似會幫手掃下 chord, 可能仲會 program 同埋 effect 下 .
呢隊 band 有 d 玩味 , 唔係一般 band, 人地話佢有 80's dance music 味 , 我唔覺 , 就係覺得有點 fresh, 因為 80's 我只懂譚校長 d 歌 .
做自己鍾意做的事係好重要的 , 正如 TTT 話佢地就係做佢地自己鍾意 , 令自己開心 o 既音樂 .
如今聽落又真係有點別樹一格 .
K o 既一舉手一投足都好食得住個台 , 好 charming; J 就以佢 o 既多才多藝震懾人心 ;
期待佢地下隻碟 , 同 LIVE.
至於點解 "Shut Up And Let Me Go"o 既 intro 已經令人興奮 ?
因為 iPod 都用佢黎做廣告歌囉 !
Setlist
We Walk
Great DJ
Fruit Machine
Keep Your Head
Traffic Light
Be The One
We Started Nothing
Shut Up And Let Me Go
Encore
Impacilla Carpisung
That's Not My Name
31/21/2008 又一年
從何說起
一年冇寫 , 一寫就是年結 .
混沌的新世界
從來都有 " 大事回顧症候群 ", 接近年尾 o 既事會記得多 d, 年頭 o 既大事都會唔記得 . 盡量 .
馬英九終於做到總統 , 阿扁終於拉左 , 都幾大機會成為階下囚 .
其實世界政治皆利益 , 問題係你本身做唔到野 , 又貪得 cheap 貪得又樣衰又貪埋貪埋唔少 , 加上台灣政治文化 , 咁就抵你死了 .
台灣有馬總統 , 美國都有馬總統 , 黑馬一匹 , 一上台就是爛攤子 , 係咁印銀紙 .
海嘯之初 , 我地叫佢做次按危機 , 正如 SARS 之初我地叫佢做非典一樣 .
Subprime Mortage, 次按 , 廁按是也 , 即係將你 d $ 沖落鹹水海 .
Bear Stearns 同兩房爆時 , 都仲係叫危機 , 直至雷曼爆埋 , 引發全球信貸危機同資產去槓桿化 , 即時由危機榮升海嘯 .
至於呢個海嘯 , 幾時收科 ? 點樣收科 ? 資本主義會唔會崩潰 ?
本來都信信地 " 外星人即將接管地球要將金錢制度瓦解 " 陰謀論 , 但見到 d 美國佬高層 o 既貪婪同埋盤數 , 就知道其實完全係人類自己 o 既錯 .
歷史最大 o 既教訓就係人類永遠唔會 o 係歷史中汲取教訓 .
也許經濟 o 既循環 , 可能就係同人 o 既貪婪性格有關 .
一間雷曼 , 令 i.bank 神話幻滅 , 揭露全世界都係 o 係度充大頭鬼 .
唯獨中國似係撐得住 , 出口弱時谷基建谷內需 .
倒數左好 Q 耐 o 既北京奧運順利完成 , 開幕典禮 ( 唔該唔好用 " 開幕式 " 呢個大陸名 ) 係幾驚嘆 .
雖則其後又爆左 d 中國特色 o 既造假事件出黎 , 例如預先做好 o 既 CG 同劉華經常用 o 既咪咀 .
就連劉翔退賽同神七出倉大家都陰謀論一番 ( 有時 d 野 , 個底唔好 , 好難怪心亂諗 ).
但都唔夠之後爆出黎 o 既毒奶事件勁 .
單野奧運期間已經知 , 共產黨唔想整衰個奧運就害 d 人民繼續飲毒奶 .
做生意 o 既 , 你用下個腦得唔得 ?
毒奶 o 既事 , 如果不停咁做 , 總有一日爆到冚世界都知 , 你咪做幾水 , 賺夠收手囉 , 呢 d 叫可持續發展 , 懂唔懂 ?
你係都要搞到冚世界都知先收手 , 咪即係斷自己米路 or 有 $ 冇命享囉 .
有 d 咁 o 既政府 , 又有 d 咁無知 o 既 " 企業家 ", 呢個咁 o 既國家都會富強 , 只怪經濟學上有數字 , 無公義 .
四川大地震又是否天譴 , 公義的體現 ?
這樣說有點冷血 , 也不科學 .
要說科學 , 就當然要說 LHC (Large Hadron Collider).
9 月開機 , 初步成功 , 可惜好快就發生漏野事件 , 要停機 ,delay 到下年中先再開機 .
十分期待黎緊 o 既大爆炸 !
民建聯最無恥
年初新年流流睇左好多咸相 , 冇格 , 仲要係女明星 , 娛樂版去到港聞版 , 但最可惜 o 既係 d 相冇我想睇 o 既女明星 , 陳生真係辦事不力 .
到年尾 C1 又活躍起來 , 倪周於 13 日內偷食 , 分手 , 再註冊 ,8 卦雜誌清一色封面 , 仲要不停追加號外 .
C1 有 13 日賤男 ,A1 有 12 日 CEO.
由對亞視有 d 憧憬 , 到絕望 , 志雲繼續焗飯 , 有排焗 .
雖是鬧劇 , 但危機處理十分快 , 辭職幾日 , 報紙就已經冇野可以再寫 .
反觀香港政府 , 眼見幾百港人滯留泰國 , 眼見阿爺澳門派包機 , 都係唔包 .
直到有人死左 , 先拿拿臨包機 , 但又安排得差 , 訊息混亂 .
重點係錯左之後死唔認錯 , 態度輕佻 , 胡混過去 .
曾生由此至終冇對事件出黎公開講過一句說話 , 龜縮到爆 .
李少光講得出 d 咁 o 既謬論 , 更加是垃圾 .
好明顯一個咁高級 o 既官 , 都唔知咩叫 " 危機 ".
但其實難怪佢 , 香港人就係咁反智 .
正如雷曼事件 , 好似冇一個香港人明白咩叫 " 風險 ".
到左今時今日 , 全港 o 既傳媒同政客都仲一面倒咁認為 d 銀行呃 d 人話雷曼隻 mini bond 低風險 , 聲稱查實係好高風險 , 所以家陣輸 Q 晒 .
黎 , 上返堂 maths 堂 .
如果你聽日中左 6 合彩頭獎 , 你會唔會話頭獎好易中呢 ?
又 , 如果你擲公字 , 擲 3 次都估錯左 , 你會唔會話擲公字其實好難中呢 ?
風險 , 同運氣 , 係 2 件事 .
講白 d, 家陣雷曼執左粒 , 係你黑仔 , 但佢本身執粒 o 既風險依然係極低 ,even 你而家渣都冇 , 明唔明 ?
家陣你係極度黑仔地買左隻風險極低但都係唔好彩執左粒 o 既 mini bond, 咁你苦乜撚野主呀 ?
有 d 人冇晒成世積蓄好慘 ? 世界本是如此 .
仲記唔得記 " 一百萬人的故事 "( 又係志雲 )? 而家仲有幾多人記得 / 關心當中 o 既主角 ? 佢地都係苦主 , 係社會 o 既苦主 , 係資本主義 o 既苦主 , 係生物繁衍 o 既苦主 , 係宇宙大爆炸 o 既苦主 .
佢地連俾人呃 o 既 $ 都冇 , 點解冇人為佢地討回公道 ?
話銀行呃鳩你 ? 知唔知點解世界上有樣野叫 Contract?
Contract 之所以存在 , 就係驚人同人 agree 左 o 既野將來會口同鼻拗 , 有人藉此反口 .
而家你簽晒野 , 你同我講你唔清楚 d terms? 你不如直接 d 同我講你想反口好過啦 .
仲有 , 如果冇海嘯 , 你穩收高於定期 o 既回報 , 你會唔會話俾人呃 , 會唔會叫銀行幫你原價回購呀 ?
如果咁都唔叫輸打贏要 o 既話 , 我 o 係辭海入面真係搵唔到第 2 樣野去形容 .
好嬲 ! 因為好反智 .
反智的 , 還有香港人的政治意識 .
立法會選舉 , 票站民調已經搞到一 pat 屎咁 .
又話咩杯葛票站民調 , 又話專登俾假答案 .
睇下美國總統大選 , 布殊提早投票之後已經揚晒話係投 John McCain. 唔好咁小家啦 .
至於選舉結果 , 阿爺話要收你自由黨皮 , 就即刻收晒皮亦得 , 得左 .
簡直是白色恐怖 .
泛民成日話要對抗共狗 o 既鐵票 , 但佢又唔諗下 , 做乜人地有鐵票 , 自己就冇 .
正如倪震形容佢自己 , 唔係技術上 o 既一次唔小心 , 而係結構上的問題 .
上屆有鄭大班入立法會後火速成為煲呔針 , 今屆千呼萬喚 o 既有黃毓民 .
佢是否會步大班後塵就仲未知 , 但佢 o 既 " 民建聯最無恥 ", 應該是今年的 Youtube of the Year, 比 "Try My Breast" 更勝一籌 .
楊千嬅之死
講完 d 氣憤野 , 要輕鬆一番講下娛樂 .
隨著 CEPA 進一步落實同曾特首經常上去乞食 , 內地與香港 o 既交往進一步頻繁 .
因此 , 我都打破左心理障礙 , 開始聽張同志 o 既歌 , 鬼叫 eason 今年冇廣東碟出 ,d 舊歌都真係聽到悶了 ( 當發夢都識背時 ).
今年忙於世界巡迴搵銀 o 既 eason 話今年記得 o 既歌只係得 " 囍帖街 " 同埋 " 我來自火星 "2 首 .
我都係記得 2 首 , 就係 " 囍帖街 " 同埋 " 有耳的棺材 ".
恕我因為呢隻歌先真正開始聽謝安琪 , 但呢隻歌由作曲 , 填詞 , 編曲同演繹都係一絕 .
唱得出個感覺 , 歌詞好有畫面 , 唯獨是個 MV 極冇畫面 , 個導演應該死左去 .
感覺之好 , 頓感楊小姐同容小姐要行埋一邊了 .
容小姐當然不值一提 .
至於楊小姐 ,( 麻木 ) 支持左佢咁耐 , 一直好希望佢會有 d 突破 .
可惜今年隻碟 , 聽完 , 完全冇隻覺得好聽 , 完全冇隻記得 ... 都有 o 既 , 記得邊隻唔好再 play.
戲又唔拍 ( 舊年 o 既 " 每當變幻時 " 咪幾正 ), 淨係識學曾蔭權返祖國搵 $, 拍埋 d 香港人冇得睇 o 既劇 ( 其實有得睇都唔會睇 , 應該係亞視播 ).
同丁子高又好似係堅的 , 雖則唔關我事 , 但我都唔想 10 年後有第 2 個周慧敏 .
佢自己都識講 , 已經由 " 少女的祈禱 " 唱到 " 中女的祈禱 ", 如此下去 , 真係幾死 .
死的 , 其實不止佢 .
當我見到 3 色台 o 既胡小姐同黃先生都可以出碟時 , 不禁立即諗起駒哥名言 : 香港冇樂壇 , 只有娛樂圈 .
如果駒哥未死 ,or 在天之靈 , 佢一定會修改佢 o 既名言為 : 香港冇樂壇 , 亦冇娛樂圈 , 只有堆填區 ! ( 設計對白 )
冇錯 , 堆填區只得 3 樣野 , 垃圾 , 垃圾 , 同埋垃圾 .
樂壇死 , 電影圈也死 .
08 全年好似冇一套港產片係我好想入去睇的 , 當年 " 無間道 "o 既震撼同憧憬冇晒 .
反而演唱會界好似撈得掂 ,d 外國野開始洞悉到香港人係好 Q 鍾意睇 concert 的 , 絕對是搵 $ 之地 .
試想想 , 周杰倫 o 係台灣都係開得一場 , 入場人數不及香港 o 既幾場加埋時 , 就知香港人係有幾鍾意睇 concert.
以下是我 08 年睇過的 show 同 concert,
12Jan 生力 Wild Day Out 08
26Jan 學友光年世界巡迴演唱會 07 香港 GRAND FINALE( 第 101 場 )
02Feb 學友光年世界巡迴演唱會 07 香港 GRAND FINALE( 第 104 場 )
05Apr 周杰倫澳門演唱會 2008
28May 林海峰是但 o 翕求其大合唱 Encore
30May My Little Airport 浪漫九龍塘音樂會
07Jun 萬世歌王
31Jul Travis Live in Hong Kong
26Aug 陳奕迅 Don’t Want To Let Go 音樂會
06Sep 男磨坊 Art
30Sep 08 拉闊第二場 楊千嬅 X 林海峰 X 農夫 X Eric Kwok
02Oct Samsung Imagine Live is Life 音樂會 張震嶽 X 陳奕迅 X 楊乃文
25Oct 荷蘭舞蹈劇場 I < 原．迷月．虛凝之間 >
05Dec KRAFTWERK Live in Hong Kong 2008
26Dec 一人一峰一結他 08
最難忘的當然是學友西九 , 凍到爆睇露天 , 但加上學友 o 既歌聲 , 完全是冰天動地 . 還於 08 年底出了 DVD, 可惜 DVD 只是紅館版 !
最失望的是期待已久的拉闊第 2 場 , 呢個組合對我黎講都幾 dream team 了 , 可惜結果係完全唔掂 ,CRP 是否已江郎才盡 , 看看今年叱吒頒獎禮 (01Jan2009), 絕對不是 , 上年的很爛 , 今年回復狀態 , 極之正 !
頒獎之外還有表演部份 ,d 稿亦好掂 ,stage design(LCD 3D 屋 !) 正 ,production 唔駛講 .
最驚喜的是林一峰 , 估唔到佢唱同彈原來咁勁之餘 , 仲會即場用隻腳踐部 mixer 黎做即時 mixing, 明明一人一結他 , 變左 4 人 3 結他 , 精神分裂地自己同自己 jam 歌 , 變態 !
我試著生性 但求父母親高興
風花雪月過 , 要講講自身了 .
D 記份工 , 做左 3 年有點悶 , 又因為政治問題個定位怪怪地 , 加上人工硬係覺得唔夠 ( 雖然 o 岩 o 岩 meet 到傳說中 o 既 " 阿車臨界線 ").
於是不斷 Jobsdb, 信就 send 得多 ,in o 既真係唔多 , 有點失望 , 安慰自己係要求太高吧 ( 但當時仲未海嘯喎 ).
Send 了份 agent, 上到去 , 佢話我原先 apply o 個份唔太 o 岩我 , 不如試下第 2 份 ,LV.
呢份其實我自己 send 過 , 當然係石沈大海 , 而且係 send 到冇野好 send 時 send 的 .
但既然 o 個時想 CHANGE, 又有 agnet 幫我推介 ,why not?
結果計埋個 agnet,total in 左 4 個人 , 就 offer 了 .
最正係佢比我成個半月通知 , 去埋個 KUL trip 先返工 .
KUL trip 前仲出多個 SIN handover trip, 不過 handover o 既野有限 .
又因為政治問題 , 我走左之後 , 好多野就咁冇左 , 例如個 monthly review global call.
Well, 冇公司冇左邊個唔得 , 而且我都做得好 hea, 相信佢地好快會習慣 .
我解決唔到 o 既問題 , 都希望下手解決到吧 .
Resign 之前仲去左個泰國 team building. Team 就唔多覺 build 到返黎 , 最難忘的還是赤腳 o 係沙灘食 dinner buffet 罷了 .
Trip 完返來立即 resign, 本來有點樣衰 , 但冇辦法 , 總好過 resign 左先去撞口撞面咁樣衰 .
奇就奇在原來我唔係唯一一個 trip 完即 resign, 我 o 既 team leader 亦都係咁 , 佢 resign 走左去當差 , 算係有人陪我衰仔吧 .
至於新工 , 做左 5 年科記 , 第 1 次做 client side, 總係怪怪地咁 .
總算上到手 , 但過 probation 時剛好海嘯 , 十分餚 , 唯有同老細講冇乜野做 , 務求 R 撈 , 穩住份工 .
結果比我 o 係海嘯下過到 probation, 彷彿冬天飲雪水 , 打晒冷震 .
返工地點搬到 Quarry Bay, 幸好有非法村巴 , 令到距離不是問題 , 雖則 d frd 聽到屯門返 Quarry Bay 都嘩嘩聲 .
Quarry Bay 亦有一個好處就係返學夠晒近 , 唔駛過海 .
hea 下 hea 下咁又讀完個 master 一半 .
想讀快 d, 但其實讀書係為解悶 , 咁快讀晒 , 又要搵野讀 , 貴到死 , 所以都係慢慢讀 .
所以要 2010 先畢業了 .
HKU 校園總不及科大 , 但考試前自修 o 既地方就多好多 , 拉把開 24, 很好 !
而且亦就腳 d, 跟 sam 搞 Google Project 亦係 o 係呢度搞 .
個 project 總算交左 , 將吹左咁耐 o 既 concept document 起來 .
贏左 o 既話會有幾百萬 finance 個 project, 搞搞下好快就可以 o 係 NASDAQ 上市了 .
當然 , 競爭來自全世界 , 要贏 , 真係唔係咁易 .
所以 , 除左寄望呢幾球野之外 , 亦需要好好計劃 .
09 將會是買樓好時機 .
可惜 , 做左 5 年野仍然係得雞碎咁多 , 只怪頭 3 年人工太低 .
亂洗 $ 我就聽得多 , 儲錯 $ 真係未聽過 , 小弟正是 .
去年做左個決定 , 儲 25 年 $, 一心為退休好 .
頭 18 個月已經供完 , 但供左 o 既 $ 唔拎得 , 要 25 年後先拎得出黎 , 問題就來了 .
到左下年買樓年 , 我隊左 7 皮幾野落去 , 唔拎得 , 即係唔夠 $ 俾首期 .
到我儲夠廿個上車 , 到時樓價又升左 , 廿個又唔夠 , 又要繼續儲 , 完全是亂儲 $ o 既後果 .
距離 "30 歲人仲同老豆老母住公屋 " 呢個深愁大限仲有兩餘載 , 開源節流之外 , 仲要好好企劃一番 , 目標為本 .
身邊的朋友都開始置業了 , 但當然不及結婚的多 .
Facebook 中 , 每隔 2 日都會見到 frd or 個 frd 個 frd 結婚 , 做兄弟 / 姊妹 or 去飲 .
雖則暫時都仲係以女 o 既居多 , 但原來我地真係做左大人了 , 要諗人生下半場了 .
但為何我 o 既思想仲係完全未 prepare 好做個大人的呢 ?
時間過得越黎越快 , 呢個係咪人越黎越大 o 既 signal?
Love Actually
真正的第一次 .
兩個人的事 , 不想倪生般公開 .
只是 , 有發生過的 , 我們都不會 , 亦不想否認 .
我們比 " 海角 7 號 " 更早踏足國境之南 .
借 Wyman 幾句作結 :
好景不會每日常在 天梯不可只往上爬
愛的人 沒有一生一世嗎 大概不需要害怕
階磚不會拒絕磨蝕 窗花不可幽禁落霞
有感情 就會一生一世嗎 又再惋惜有用嗎
Find Our Way
又是大事回顧節目 o 既例牌標準對白 : 回顧過去 , 展望將來 .
09 是肯定困難的一年 .
香港政府靠唔住 , 股市又靠唔住 , 只可以靠自己 .
老實說 , 資本主義頂唔頂得順都成問題 , 就算頂得住 , 整個 double 足 3 兩 big recession 已經夠死了 .
經濟增長並不是理所當然的 .
身為蟻民 , 做好自己本份就是了 , 當然仲要不斷增值自己 , 還要有清晰 o 既思維 , 知道個地球發生緊咩事之餘亦要知道自己做緊乜 .
其他的 , 只好聽天由命 .
還有 , 環保不應該再是一個課題 , 是應該一種生活 o 既意識形態 (inspired by 志雲 ).
不要把環保看成 " 懶高尚 ", 自私 d 諗 , 其實都係為返自己好 , 你唔環保 , 係你死蠢 .
每買一樽膠樽飲品前 , 唔該停一停 , 諗一諗係咪一定要製造呢舊垃圾 .
有時如果必要 , 都唔該搵個回收筒先掉 ( 我知 under 香港政府 o 既短視 , 搵個回收筒是很難的 , 而且不知是否真的會被拿去回收 ).
大家也應該效法 B 仔涼粉拎 ISO14000, 乜都 recycle 同 reuse 才對 ! ( 這是一個爛 gag)
地球搞不好的話 , 就算雷曼翻生 , 我們的日子都唔會好過 , 天災比 recession 更可怕呢 .
今年於維港中央跪拜 IFC 倒數 , 個人本身認為倒數好無聊 , 不過當然被現場氣氛感染了 .
對住 IFC, 其實幾諷刺 ,IFC 標誌著資本主義 . 如今個世界成也資本主義 , 敗也資本主義 .
風浪中 , 大家最緊要保住個路線圖同指南針吧 , 即要有目標 and 方向 .
個人方面 , 短線來說 , 努力工作 , 讀好書讀完個 master 再搵下一樣野讀 .
主線以外 , 亦要發展副線 , 舊年講到家陣 , 總要開始 , 不能給少看 .
樂器的 , 也應該盡可能學學 , 不能永遠躲在堆填區唱 K.
中長線要儲 $, 廿個也好 , 三十個五十個也好 , 總之要買樓 , 打破大限 ,regardless of 個市 .
心靈上要關愛多點身邊的人 , 今天叱吒上 eason 說 : Keep Loving!
今年 o 既大事回顧又到左尾聲 .
2009,Good Luck!
下年同樣時間再見 .
31/12/2007 一年
時代巨輪
" 一開始誕下已經蒼老
一開始拍翼已追不到
當骨牌瀉下已知道 ......"
世界大事方面 , 全世界好似淨係得 2 件事 , 高清電視同天水圍 .
好討厭 !
成 Q 日 o 係度高清高清 , 清高 d 得唔得 ?
d 節目唔掂 , 高清 , 咪盞睇清楚 d 有幾唔掂 ?
天水圍 , 悲情左咁耐唔黎講 , 林夕講埋克勤唱埋唔黎講 .
係要有個阿媽綁住 d 仔囡掟落街先黎鋪天蓋地咁講 .
覺唔覺有 d 後知後覺之餘 , 突然爆出黎 o 既所謂 positive discrimination 又已經 po 到有 d negative 呢 ?
另些方面 , 興幸的是香港終於注意到膠袋 o 既問題 , 但幾時輪到膠樽 ?
膠袋之後 , 係普選 o 既交代 , 中央年尾話 2017 選特首 ,2020 立法會 .
14 歲少女生完個仔 o 黎手就掉左落街 .
佢應該唱返句 ” 我只不過偶爾授了精 於是才遺忘本性 ” 黎自辯 .
世界方面 , 政治理不了 , 全球經濟受美國次按影響 , 簡稱美國佬碌爆咭 , 全世界幫手填數 .
暖化問題 , 得個講字 , 冇乜實質野做到 , 天氣持續反常 .
"...... 天天迫我上路 天天迫我進步
難避免捲入時代太恐怖 "
牛仔很忙
" 不用麻煩了 不用麻煩了
不用麻煩不用麻煩了 不用麻煩了
你們一起上 我在趕時間
每天決鬥觀眾都累了英雄也累了 ......"
個人方面 , 年中忍唔住份糧咁少 , 尋求突破 , 出去搵 , 就真係搵到幾廿個 % 增長 , 可想而知本身有幾 underpaid!
但 D 記又出返呢個價多 d d 挽留 , 一時耳仔軟 , 竟然回頭草 .
一留 , 留到家陣 , 竟然 o 係呢間公司做左 2 年半 , 完全唔敢想像有今日 .
有今日唔代表有今時今日 , 竟然俾阿尊貴客戶屈我話我有今時今日應該拎 d $ 出黎 xmas party 大家抽獎 .
試問小弟何德何能有今時今日到我有資格拎 $ 出黎抽呢 ?
等埋少少野就死人都走喇 , 不能再在此苟且下去 .
讀書 , 終於開始了 master 生涯 , 是我最憎的 hku, 我最鄙視的 MSc.
唔好以為我上進 , 為升職為加薪為份 resume 黎讀 .
我讀書完全係為個 " 悶 " 字而讀 , 生活悶到爆 , 要找 d 衝擊 , 呢招叫 " 為生活打個飛機 ".
已經完成左 1/6, 如是者這樣 hea 下去 , 應該畢業冇難度 .
exam 時先首次踏足 hku main bldg, 玻璃之城同色戒 o 既拍攝場地 , 但我反而覺得十分淡江高中 , 很周董 .
年初用公司 $ 走馬看花去左趟印度都算是創舉之一 , 係小弟暫時去過地球最遠 o 既地方 , 有咁 o 岩傷心就旅行 .
但總不夠台北尋找周杰倫之旅來得高興 .
台灣同事都稱我追星族 , 我堅決否認 , 雖則我 o 既行為的確足以令人誤會 .
我只係鍾意佢 o 既音樂 , 欣賞佢 o 既 production 同 presentation o 者 , 唔該唔好用追星 2 個字黎形容我 .
"...... 不用麻煩了 不用麻煩了
副歌不長你們有幾個 一起上好了
正義呼喚我 美女需要我
牛仔很忙的 "
錢錢錢錢
" 講錢錢啊錢難道可天賜 看指數飆升百病能醫
誰清高不說錢啊錢可搬到公廁
money 誰都說願意 money 名譽靠你去開始 ......"
份糧大左 , 人大左 , 就要諗 $.
今年 , 我做左個人生以黎最長遠 o 既計劃 , 供基金儲 $, 足充體驗畢菲特同黃子華所講 o 既 The power of Compounding.
某些供左 o 既 $, 到我 51 歲先拎得返 .
到時我係點 , 或者我有冇 51, 係個問題 .
學人染指股票市場 , 都係打個和咁濟 , 贏得雞碎 . 但 o 係 2007 呢個市冇贏 , 其實已經算係輸到仆街 .
交學費加埋 d 蟹貨 , 令我 acct balance 跌穿 250 天移動平均線 .
你估我買樓先 , 定係有普選先 ?
唔知為乜考車牌 , 又比我 1 take pass, 吹咩 ?
唔係寸 , 都話我打車 game 有返 2 手 , 可惜唔係有 2 手匯豐 .
冇 $ 養車但考個牌擺 o 係銀包 , 同冇女但擺個 dom o 係銀包冇分別 , 都係冇 Q 用 .
不過可以恃住有個牌 , 勁搭的士 , 因為 " 點搭都平過養架車 ".
冇牌 , 就冇資格講呢句野喇 . 個牌 , 考左半年 , 都未去攞 .
養架車 , 係一條男人一世人應該做 o 既事 , 我總會 .
爭在幾時 , 養架咩車 , 同司機位隔離係邊個 .
"...... 誰能避免講錢錢啊錢缺錢不可以
我心重千斤卻為銀紙
誰都知這照妖鏡照出虛構真摯
money 難收買睡意
money 難收買情意
money...... 會迷惑宗旨 "
Crying in the Party
" 或有一天 當你大了 城府 開始深了
年輕的眼淚 流光了 便掛念曾經這樣了 ......"
朋友方面 , 他們大致上無恙 .
轉工 o 既轉工 , 捱 o 既繼續捱 , 讀書 o 既讀書 , 去外國 o 既去外國 .
拍拖 o 既繼續拍拖 , 散 o 既散 , 離離合合 o 既繼續離離合合 , 本身冇拖拍 o 既都拍埋拖 .
原來我有 10X 個 frd, 呢件事係由 Facebook 話我知 o 既 .
黃子華話 , 人生不如意事十常一二 , 仲有八九 o 既開心野等住你去發現 .
而且冇野係解決唔到 o 既 , 希望在明天丫嘛 !
講就係咁講 , 其實我自己都好多問題解決唔到......
"...... 是 所有熱情 會乾掉
一發現已經 成熟了 "
愛回家
" 勤力過 捱罵過 如做錯
誰又會原諒我 懷念家中被窩 ......"
屋企 , 老豆去左 mexico 做野 , 都幾勁 .
一做就要一年 , 佢仲話可能繼續做落去 .
話我不孝都係咁話 , 我又真係唔覺冇見佢好耐 .
係就係擔心佢身體 o 者 , 佢又唔係好識照顧自己 .
阿哥伉儷少左返黎 , 得返阿媽同我相依為命 .
同佢相處還可以 , 係間唔中因為 TVB o 既低質素而引發一輪爭拗 .
"...... 一碗暖湯的鼓舞
沾濕我眼睛
有人祈求我歸家 來互抱 "
演唱會
" 一組擴音 的喇叭 合成電子加結他
一套鼓 跟貝司 已經足夠盡情吧 ......"
今年 good show 特別多 , 睇 show 睇到窮 .
但再窮也要睇 show, 我睇 , 故我在 .
雖則每場 good show 背後 , 我都背負著一個悲哀 o 既問題 .
以下是今年睇左 o 既 show,
02/03/2007 陳輝陽 - 十二金釵眾生花
03/03/2007 Muse Live in Hong Kong
13/03/2007 903 黃金組合音樂會 - 凸
22/04/2007 一期一會
05/05/2007 903 拉闊音樂會 – 孫燕姿
27/05/2007 男人之虎
14/08/2007 Brett Anderson & Band Live in Hong Kong 2007
18/08/2007 Avril Lavigne Live in Hong Kong 2007
31/08/2007 學友光年世界巡迴演唱會 07
15/10/2007 All About Love 楊千嬅 2007 演唱會
04/11/2007 陳奕迅 Eason's Moving On Stage 1 演唱會
10/11/2007 周杰倫 2007 世界巡迴演唱會 台北站
22/11/2007 郭富城舞林正傳演唱會 2007
01/12/2007 又一個叱吒十年回歸音樂會
07/12/2007 周杰倫 2007 世界巡迴演唱會 香港站
19/12/2007 黃子華棟篤笑 2007 越大鑊越快樂
娛樂方面 , 男 o 既繼續聽 eason 同 Jay, 女 o 既繼續楊小姐 , 不作他選 .
Eason 繼續爆 ,Jay 繼續正 , 楊小姐繼續楊氏意識形態 .
楊小姐隻俾人狂踩 o 既金牌翻唱碟 , 我覺得不知幾好聽 .
聲稱係黎天王揀歌 o 既新碟 "Meridian", 又係俾人狂踩 , 我又覺得幾好聽喎 ! (except " 不認不認還需認 ")
穿屎繼續不思進取 , 唱 live 差過 neway 隔離房 , 靠樣搵食 , 西口西面 o 個件仲要樣都冇埋 , 拆檔吧 !
btw, " 阿 sa 真人 show" 好好睇 ! 佢辛苦左成日先剪成半粒鐘節目 , 好浪費 ! 應該出足本版 .
聽港歌越黎越窄 , 其實係好事 .
港片亦冇幾多套令我好想睇 , 年度電影 " 每當變幻時 ", 正丫 !
" 不能說的秘密 " 又係十分之正 !
年度 DVD 首選 Sammi concert, 佢 d 快歌唱得比穿屎更難聽百倍 , 夜晚熄燈聽會驚 .
次次 o 係 VCD 鋪播 , 我會主觀意願咁認為其他同我一樣舉頭望高清的人 , 都係聽到 d 咁恐怖 o 既聲而抬頭睇下發生咩事 .
有位高清代言人同事 , 只求畫 , 不求聲 , 對此 DVD 推崇備至 .
"...... 聽到嗎 聲再沙 亦無礙我放聲吧
演唱會 等於演唱現場 不必多廢話 "
All About Love
" 話我知 每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼 ......"
年初以為守得雲開 , 以為葡萄成熟時 , 點知曇花流水 , 極速被飛 .
Hurt? 冇乜 , 畢竟咁短時間 , 感情都唔深得去邊 .
反而係有 d 唔高興天意弄人 , 俾我拍次拖都唔得 ?
有冇搞錯 ? 我係咪真係差得咁撚厲害呀 ?
被人飛多一次 , 又化多 2 錢重 .
係咪做得太多旁觀者清入唔到局做當局者迷呢 ?
睇下鄭大班 , 做局外人時係威係勢 , 甚麼 10 點前特首 , 入左局後就完全收皮 , 野都唔見佢出黎講句 , 變左冇乜用 o 既開會機器或無間道 , 總之就唔係初時 o 既為民請命 .
我以局外人 o 既身份自以為好清楚個 game 點玩 , 又鍾意咩都算下度下 , 結果一入局就奶野 , 家陣想再入都冇得入 .
有唔止 1 個人同我講唔知買咩 xmas 禮物俾 bf 好 , 我諗一諗 , 好似一件由給我愛過的女孩們送俾我 o 既禮物 , 都未收過 , 堅冇 , 都幾失敗 .
從前 d 人安慰冇拖拍 o 既都會話 : 緣份未到 o 者 ! and 隨緣啦 !
諗深一層 , 呢 d 說話真係 bull shit 到爆同害死人 .
注意 , 呢 d 說話 9 成都係 d 有拖拍 o 既人 o 既風涼話 .
我夠知緣份未到啦 , 即係我仲企 o 係個車站等緊車 , 就梗係因為架巴士未到啦 ! 廢話 !
之但係咁唔代表可以就咁就隨緣就算 , 隨下隨下 , 咪隨到家陣咁囉 .
生命冇 take 2, 我最 young o 既年代 , 就係 1 個人 , 未拍過拖 , 係歷史 , 改變唔到 .
我第時都要同個仔 (if any) 講老豆 27 歲 (may/should be more) 前都未拍過拖 .
愛情都需要經歷 , 經驗同技巧 , 等同於讀書同工作 , 是有 path 的 , 是 life career, 要 develop 的 .
呢 d so-called 安慰說話完全 bypass 左冇拖拍 o 既唔好處同埋拍拖 o 既重要性 , 講到冇拖拍好似毫無所謂咁 , 之但係其實 love 對 1 個人 o 既 life 係極為有所謂 .
我就係 o 係咁 o 既氛圍下 ,hea 下 hea 下等運到等到家陣 .
其實 , 呢樣野係要好努力咁去搵的 , 隨乜撚野緣丫 ! 呃 9 人 !
終於摸出來 但歲月卻不回來 不回來 錯過了春天 可會再花開 ?
但到左而家 , 又冇話要去到死人都要有返個 o 既地步 , 反正 sunk cost 已經咁多 , 不妨長揸自己呢隻優質股 , 搏佢一鋪返黎 .
又或者咁 , 其實已經慣左做悲劇主角 , 十分沉淪 , 你要我突然做愛情片 , 唔識 .
於是 , 可能表面上好想拍拖 , 查實潛意識就唔想 .
眼見一個我 ok o 既女仔 ( 只要 ok, 從來唔要索 ), 同一架 audi 跑 , 停一停 , 諗一諗 , 我會覺得 , 前者我可能呢世都冇 , 後者 , 只要我努力 d, 其實唔難有 .
既然如此 , 何不放棄前者 , 重點投資後者 ?
講得難聽 d, 可以係避重就輕 , 以退為進 .
再難聽 d, 係逃避現實 , 唔好煩我 .
最難聽係唔撚 7 理 , 是鳩爛但 .
今年溝溝下女 , 悟出了一些道 ( 歪 ) 理 .
回顧我溝女 o 既歷史 , 永遠都處於一個極低 o 既位置 , 可以話係無所乞敵 , 所向卑微 .
其實可以唔係咁 , 可以係調轉 .
" 你估你係 Edison 呀 ????" 我知 , 你唔駛姪唔切 , 我仲未講完 .
就算唔係調轉咁極端 , 都可以 balance d o 既 o 者 .
對你好 , 又話人死狗 ; 對你唔好 , 又話人冇誠意 ;
有女話 , 如果鍾意 o 既 , 唔駛點追就可以一齊 ; 又有女話 , 就算唔鍾意 , 追追下 , 都會被誠意打動 ;
我就完全冇受惠於以上 o 既所謂假設 .
但既然有人咁講得 , 就一定係建基於一 d 成功 o 既案例 .
於是 , 結論係 , 愛情 , 同有傷風就一定會咳一樣 , 係宿命 .
一個人 , 有就係有 , 冇就係冇 , 認了吧 , 所有野都係廢 up.
速戰速決 o 既唔 work, 苦心經營 o 既一樣唔 work.
咁係咪即係呢世都一個人呀 ? 咁又唔係 o 既 .
古語有云 , 沒人沒有情人 , 如果甘心 .
加上 per 黃子華 , 當食人狂都搵到食物人 , 你又點可能搵唔到你 o 既小龍女呢 ?
" 同事 3 分親 " 入面有個角色好正 , 就係裘俊 .
佢份人忠忠直直 , 對佢 o 既女神 Diana 忠心耿耿 , 死心塌地 , 就算有個明珠表妹送上門都無動於衷 .
為最愛不計代價唔諗結果無條件付出 , I’m lovin' it!
希望佢有好結果 .
"...... 話我知 抱過愛人吻過愛人有幾多
方可以換來朋友到賀
難道一百歲至會找到他 愛我 "
08 展望
07 不過不失 ,08 希望做得好 d.
好 , 係講質素 , 唔係講數量 .
07 o 既 item 唔算少 , 質素又唔見得好好 .
質素好唔好 , 在於有冇俾個心落去 , 專心做好佢 .
" 專心 "2 個字 , 好似打從大學之後就已經冇試過 .( 當然唔代表我大學好專心 , 其實只係 non-major 專心 )
家陣返工 , 覆個 email, 都要 msn 下 , 上下網先覆得完 , 唔掂 ! " 專心 " 係 08 年行動綱領 .
其次 , 書還是繼續要讀 , 基金還是繼續要供 , 人還是繼續在做 , 天還是繼續在看 .
不敢有太多 o 既 Jolin( 假大胸 ), 但願做好 ( 比上年好 ) 手上 o 既野就是了 .
暗啞底有 d 想 start up o 既野 , 做好過講 , 不要給看扁 !( 因為某人唔知有冇心但我有意 o 既說話 )
以前人工太低冇諗過買樓 o 既問題 , 而家人工多左 , 雖則放晒落學費同基金 , 冇 $ 剩 , 但都要計劃一下 , 畢竟就黎 30.
一年人事幾番身 ,08 年的回顧 , 又會是甚麼光景 ?
誰會跟誰在那裡做甚麼 ?
後記
年度 Xmas party( 第 2 年 ), 感覺比上年 ok, 校服好有驚喜 , 地方夠晒寬敞 .
也有唔夠好 o 既地方 , 但令在場人士有過開心 o 既感覺就行了 .
d Artists 成日話希望帶歡樂俾大家 , 聽落幾嘔 , 但當 on stage 時 , 又的確係想其他人開開心心 .
畢竟 , 人地係 spend 左時間俾個 party, 仲要係 xmas 正日 , 真係唔想人地悶住走 .
我絕對唔係 MC o 既人才 , 在台上只係比 d 7 人 active d, 在台下我跟他們一樣 7.
所以還是要鳴謝 Leona & Ming 再次俾呢個機會我 , 而且 2 個人搞個 70 人 o 既 party, 絕非易事 , 比搞莊 function 更難 .
Changing partner 空前成功 ,B/G 比例竟然係 EXACTLY 1:1 同埋跳足 35 round 1 個 cycle, 搞多 10 年 ocamp 都唔會咁 , 真係好掂 !
還好那些飢渴 o 既仔幫手帶 , 因為 , 我真係斷左氣 .
大家今年比上年應該容易左 follow up, 因為有左偉大發明 facebook.
下年唔知仲有冇 party, 淨係知道會冇左超短裙玲玲參與 , 但她會 o 係好遠好凍 o 既地方繼續以超短裙示人 .
(Dear 玲玲 , 當你睇到呢句野 o 既時候 , 你已經身係加國喇 !)
超冗長 ! 我知 ,4 千幾字 , 長過我份 paper.
睇篇幅 , 同粗口 o 既出現頻率 , 都知我邊 part 最多野要發表 , 同最激動 .
曾經覺得寫咁 Q 長完全係自閉 , 多愁善感 , 電車 o 既表現 . ( 你有幾可見有拖拍 o 既人寫咁 Q 長 ? 除左作家 )
無奈寫寫下又變左篇論文 .
07/12/2007 周杰倫 2007 世界巡迴演唱會香港站
o 既感覺冇乜 , 因為台灣都去埋睇喇 .
不過既然佢 o 係台灣開我都飛過去睇 , 冇奶油佢黎香港唔睇佢 o 者 , 於是平平地 $280 入去會下佢 .
o 係台灣冇買 poster, 條龍長到嘔 , 費事拎住卷野返香港 , 亦諗住 o 係香港買返 , 反正 poster 上面都冇寫邊場 .
又費事拎住卷野睇 concert, 打算睇完先買 .
點知散場時佢已經收左檔 , 唯有第 2 日專登黎買 .
入到場 , 個 stage 同台灣 o 個個實在差太遠了 , 細左好多 , 只係橫向發展 , 冇左條向前 o 既天橋 .
位置又係靠左 , 同台灣一樣 , 不過今次遠好多 , 可以睇 o 既野更多 .
第 3 場開場 ," 功夫灌籃 "o 既 trailer 片段比台灣 o 既多左 d shots, 套戲好似幾好睇 , 但又好似幾嘔 .
冇左 transformer 同煙花效果 , 大 mon 段 CG 依然 .
出場就是 o 個件好多條野樹起晒 o 既衫唱 " 黃金甲 " 同 " 無雙 ".
突然竟然唱 " 最後的戰役 ", 舊歌 ! 做乜台灣冇嫁 ?
跟住 o 係左台出現唱 " 不能說的秘密 " 同 " 退後 ",rundown 一樣喔 !
然後是蘇格蘭長笛聲 , 感覺上 rundown 上次序有調 .
右台出黎 " 麥芽糖 ",o 係 main stage 唱 " 牛仔很忙 ", 今次睇得清楚過上次好多喇 , 懶型的牛仔 !
" 聽媽媽的話 ", 知道左發哥同學友會出現 , 冇左驚喜 , 不過都係好開心 .
跟住同宇豪鬥琴 , 都係嫌佢短 , 覺得佢地 2 個好變態 , 要我打機 chok 咁快都唔得啦 , 唔好話要彈 o 岩音 .
不過佢地今次齋鬥琴 , 冇鬥舞呢 . ( 係今晚冇 , 其他晚有囉 …… 一一 ")
部水晶琴好正呢 , 不過周生個頭上 o 個 pet 紫色 highlight 大煞風景 , 好 mk!
" 黑色幽默 "! oh! 咩事香港站咁多舊歌 ? 果然係繼港女同港鐵之後有港 show, 驚死冇舊歌會遭割櫈 .
不過我都係一名港男 , 所以聽得好開心 .
到左 " 最長的電影 ", 但周生話個 MV o 岩 o 岩拍好 , 叫我地唔好理佢 , 佢有佢彈 , 我地有我地睇 .
初時諗住佢咁講都係懶型一番 , 入黎睇你 concert 唔睇你 , 咁我不如返屋企睇碟 .
但睇睇下個 MV, 好正 , 鏡頭好簡單就交代左個 story,MV 中 o 既 o 靚仔主角大個左就係周生 , 做左 body guard, 好型 !
保護女主角 , 打交時十分懶型 , 當女主角諗返起 d 野時 , 周生就被尋仇 , 冇交代佢屎唔屎 .
個 MV 十分型同感動 , 睇完 , 先醒起自己原來係睇緊 concert, 頭先隻歌 , 係周生 live 自彈自唱 !
wa! 好正呀 ! 唔該晒喎 ! 佢話香港站先有得睇 , 堅唔堅 ? 係佢自己執導的 !
跟住仲要唱 " 安靜 " 添 ! 不得了 ! 好一句 " 我會學著放棄你 , 是因為我太愛你 "!
事後知佢第 1 場唱左個完全轉晒 key 版 , 好顛 ! 點解今晚唔唱 ? 好 1 個 perfect pitch!
繼而係嘉賓出場 , 李雲廸 !
台中間升上黎 , 好大部琴 !
彈左 d 我唔鬼知係乜 o 既歌 , 當然係古典野啦 , 不過佢係彈得好勁 o 既 , 縱然我唔識 .
跟住彈 "Secret" ( 我當時唔知 , 因為我冇聽 OST), 彈彈下 , 周生又水晶琴升上黎一齊彈 .
好屌呀 ! 我唔識聽 , 覺得佢地 2 個一樣咁勁喔 !
周生竟然同鋼琴世界級 o 既人有揮呀 ! 周生 , 你真係屌得不能再屌呀 ! 屌爆了 !
初時知道係李生唔係 eason 做 guest, 都有 d 失望 .
但睇完之後 , 覺得 eason 成日有得睇 , 李生就唔係 , 仲要係李生周生 crossover, 正呀 !
一幕酷屌 o 既鋼琴後 , 就唱冇費 sir 坐鎮 o 既 " 千里之外 ", 同 " 菊花台 ", 好中國風喔 !
跟住 , 用廣東話唱 " 講不出聲 "……
之前忍唔住睇左報紙之過 , 冇左驚喜 , 就聽下佢唱成點 .
都幾核突 , 個 key 又高 ,d 廣東話十分唔正 , 好似唱 " 命運是對手 , 永不低頭 "o 個個咁 , 我寧願佢用國語唱晒會好 d, 不過都幾搞笑 .
玩扯鈴 , 佢咁都要型一番 , 拋高 o 個野 , 偏離左少少 , 好彩接得返 .
南拳媽媽出場 , 上次 concert 睇 , 好似冇條女的 , 而家多左條女 , 就係 " 珊瑚海 " 個 Lara.
見係周生 o 既 frd, 就聽晒佢啦 , 早知而家先去 toilet.
然後南拳媽媽 o 既 Lara 同彈頭繼續同周生 " 夜的第七章 ".
" 夜曲 " 本身好好聽 , 但 live 左就差左 d, 唔係識背歌詞 o 既話 , 葉惠美都聽唔到佢唱乜 .
o 個隻大大隻紅色高跟鞋真係娘到爆 ! 影衰左個 show, 好十年前港 show feel.
" 迷迭香 " 呢隻歌其實係極度唔周董 feel 的 . 後面場數 , 周生 o 既外婆出黎跳埋一份 , 跳左幾晚 , 好真情 .
跟住幾張 bar 櫈出現台上 , 就知係結他部份了 .
佢話 o 岩 o 岩 rehearsal 時諗起隻 " 雙截棍 " 可以第 2 種感覺 , 於是 acoustic 左隻 " 雙截棍 ", 好勁 ! 完全變左第 2 隻歌 !
然後係 " 彩虹 " 喔 ! 好好聽 !
再黎 " 開不了口 ", 台灣冇得聽嫁 !
" 甜甜的 " 擺左 o 係尾作為第 1 收皮歌 .
嗌 encore,d 人都嗌得 ok 勁 .
周生打鼓 , 不過 , 鼓 , 可以話係周生玩咁多樣野之中最屑 o 既一樣 , 唔夠屌喇 !
" 陽光宅男 ", 好開心 , 佢跳住唱 , 不過又錯歌詞 , 又唔夠氣扯高音 , 和音大過乜 , 呢隻台灣唱得好 d!
Band introduction 後又走 , 又要嗌 encore!
台中間升上黎彈古箏 , 上次台灣有彈錯 , 今次彈得好好多喇 ! " 髮如雪 ".
然後 " 霍元甲 " 未夠 high o 既話 , 整隻原裝 rock 版 " 雙截棍 " 就 high 到嘔喇 , 一齊 " 哼哼哈兮 "!
周生走了 , 大燈 delay 左 1 秒先開 ,d 人以為仲有 , 一場歡喜 , 引來一少陣噓聲 .
總結黎講 , 其實香港站好似好睇 d!
雖則個 stage 差好遠 , 個 main stage 只係台北站 2 邊 o 既 mini stage.
煙花效果亦好少 , 還記得台北站時 , 企 o 係台邊 ,d 煙花就 o 係前面爆 , 成晚係咁爆 , 真係嚇 Q 死 .
最記得係完 show 時 , 圍住個體育場係咁射煙花上天 , 十足 Olympic 閉幕咁 , 真係好感動 ! 戶外感覺的確正 , 但人 o 既氣氛好難集中 ,or 台灣人唔夠癲掛 , 今次睇 Jay o 既香港人都 OK 夠癲 .
加上有唱舊歌 , 全場即 high 爆啦 .
每晚有唔同 guest, 事先張揚 , 結果就好似年初 o 既軟硬 concert 咁 , 大家都對 guest 入座 .
當然 , 唔好彩 o 既 , 會買正柯有綸同穿屎 o 個晚啦 !
好彩 o 既 , 李雲廸同 eason 啦 !
城城原本都嘛嘛地 , 不過 Jay 同佢 crossover 得好正 .
睇佢事後 o 既訪問 , 覺得佢十分平實 , 不停咁讚城城隻歌經典 , 又話好榮幸可以 o 係佢面前模仿一次 , 好真誠同謙虛 , 真係一 d 都唔浮誇 .
後面幾場明顯支力左 , 佢都有話想快 d 返屋企 , 開 7 場中間都要抖下 , 都唔知應該話香港 d 歌手連開 10 幾場係勁 , 勤力 , 定係爛 .
又的確每晚都有驚喜 , 如第 1 晚 o 既轉 key 版 " 安靜 ", 真係 10 級正 !
Acoustic 版 " 雙截棍 " 盡獻才華啦 , 講到才華就不得不提同李雲廸合奏 !
Crossover 方面可以同 eason 同城城唱返 Jay 作比佢地 o 既歌 , 機會難得 , 那對廢穿屎竟然有 Jay 作 o 既歌都唔唱 , 走去唱 " 相愛 6 年 ", 冇 X 野 fa?
大 mon 方面由於係得 stage 上面 o 個隻高清 16:9, 而冇左台北站 2 邊 o 既 close-up mon, 所以隻大 mon 要不停 switch live 畫面同 d video.
但 , 即場 switch 得十分正 , 首先純粹講 live 畫面 o 既話 , 十分多鏡頭 , 亦轉得靚 .
另外 mix 埋 d video o 既時候 , 尤其係快歌 , 感覺十分爆 .
例如 " 霍霍霍霍霍霍霍霍 " 呢句就 play video, 之後 o 個句支 switch 棍一推 ,fade in fade out, 就影住周生懶型中 , 如此類推 .
Live edit 左個正 MV 出來 , 強 !
隻咁 o 既 mon 令個 show o 既視覺效果強左好多 .
出碟 o 既話 , 應該係出返台北站 , 都好丫 , 有我份嘛 !
周生 , 下次我又要去台灣睇你 , 再追加香港站 !
祝餘下 o 既世界巡迴站順利 .
Rundown
01. 黃金甲
02. 無雙
03. 最後的戰役
( 葉湘倫路小雨 4 手聯彈 )
04. 不能說的秘密
05. 退後
06. 麥芽糖
07. 牛仔很忙
08. 聽媽媽的話 (feat. 周潤發 & 張學友 )
( 與宇豪鬥琴 )
09. 黑色幽默 ( 自彈自唱 , 第 5 場開始以 " 蒲公英的約定 " 取代 )
10. 最長的電影 ( 自彈自唱 )
11. 安靜 ( 自彈自唱 )
12. ( 李雲迪獨奏古典音樂 )
13. Sceret ( 與李雲迪合奏 )
( 第 2 場與許志安合唱 " 安靜 ", 許志安獨唱 " 晴天 ";
第 4 場與 Twins 合唱 " 星晴 ",Twins 獨唱 " 相愛 6 年 "……;
第 6 場與 eason 合唱 " 淘汰 ",eason 獨唱 " 時代巨輪 "!
第 7 場與城城合唱 " 愛情 ", 仲一齊跳 " 對你愛不完 "!!!)
14. 千里之外 ( 第 1 場與費玉清合唱 )
15. 菊花台
16. 講不出聲
17. 本草綱目 ( 玩扯鈴 ,feat. 彈頭 )
18. 笑著流淚 - 南拳媽媽
19. 我們 - 南拳媽媽
20. 悄悄告訴她 - 南拳媽媽
21. What Can I Do - 南拳媽媽
( 南拳媽媽 o 既歌晚晚有 d 唔同 , 不能盡錄 )
22. 夜的第七章 (feat. 彈頭 & Lara)
23. 夜曲
24. 迷迭香
25. 雙截棍 (Acoustic 版 )
26. 彩虹 ( 彈結他 )
27. 開不了口
28. 甜甜的
Encore
29. 陽光宅男 ( 打鼓 )
30. 髮如雪 ( 彈古箏 )
31. 霍元甲
32. 雙截棍
( 周生 o 係台下準備升上來 , photo by Shirley Li)
每晚獨特之處
第 1 場有 " 青花瓷 " 同 " 白色風車 ";
第 2 場同 Lara 合唱 " 屋頂 ";
第 3 場有 acoustic 版 " 雙截棍 ";
第 4 場有 acoustic 版 ” 霍元甲 ”;
第 5 場有 " 藉口 ";
第 7 場 ” 七里香 ” 結尾 ;
Most of the photos by Vivienne (‘s bf)
